«Финансы министрлигинин аракеттери Кыргыз Республикасындагы ишкерлерди колдоону кеңейтүүгө багытталган. Биринчи кезекте чакан жана орто бизнеске колдоо көрсөтүлүүдө. Бул багыттагы эң ири жана ийгиликтүү долбоорлордун бири – “Жеке жана каржы секторуна чукул арада колдоо” долбоору. Ишкерлерди өнүктүрүү үчүн Финансы министрлиги пайызсыз насыя берүүдө. Долбоор 2021-жылдын аягынан бери ишке ашырылып, бул аралыкта өлкө боюнча 7 миңден ашык ишкерди камтый алды. Суроо-талап абдан жогору болууда. Мындан тышкары, аталган долбоордун алкагында Министрлик Кепилдик фонду аркылуу бизнеске күрөөгө кепилдик берет. Долбоордо коммерциялык банктардын пайызсыз кредиттерди берүү боюнча операциялык чыгымдарын толук жабуу да каралган».