Мамлекеттик финанстардагы туруктуу өсүш – системалуу башкаруунун көрсөткүчү

2021–2025-жылдар аралыгында консолидацияланган бюджеттин ресурстары туруктуу өсүштү көрсөттү: 313,1 млрд сомдон 1 101,4 млрд сомго чейин көбөйүп, беш жыл ичинде 3,5 эсеге көбөйдү. Бул фискалдык саясаттын натыйжалуулугун жана киреше булактарынын кеңейгенин көрсөтөт.

Негизги көрсөткүчтөр (2021–2025):

Мамлекеттик бюджеттин кирешелери 2021-жылдагы 209,8 млрд сомдон 2025-жылы 669,5 млрд сомго чейин өсүп, 3,2 эсеге көбөйдү.

Салык кирешелери 2021-жылдагы 151,2 млрд сомдон 2025-жылы 461,7 млрд сомго чейин өсүп, 3,1 эсеге көбөйдү.

Салыктык эмес кирешелер 2021-жылдагы 44,9 млрд сомдон 2025-жылы 189,4 млрд сомго чейин өсүп, 4,2 эсеге көбөйдү.

Бул динамика санариптик инструменттердин киргизилиши, администрлөөнүн жакшыртылышы жана финансылык тармактагы системалуу реформалардын натыйжасын чагылдырат.

Бул көрсөткүчтөр өлкөнүн финансылык системасынын бекемделгенин жана туруктуулугунун жогорулап жатканын көрсөтөт. Киреше базасынын өсүшү жана администрлөөнүн жакшыртылышы экономика үчүн кеңири мүмкүнчүлүктөрдү түзүүдө.