Кыргыз Республикасынын Президенти С.Н.Жапаровдун Корея Республикасына болгон расмий сапарынын алкагында, Кыргыз Республикасынын Финансы министри А. К. Бакетаев тарабынан Кыргыз Республикасынын Министрлер Кабинети менен Корея Республикасынын Өкмөтүнүн ортосунда 2025-2029-жылдарга Экономикалык өнүктүрүү жаатындагы кызматташтык фондунан(EDCF) алынган кредиттер жөнүндө Алкактык макулдашууга кол коюлду.

       Бул макулдашуу өлкөнүн стратегиялык жана социалдык-экономикалык артыкчылыктарына багытталган негизги инвестициялык долбоорлорду жана программаларды ишке ашыруу үчүн Кыргыз Республикасына каражат бөлүп берүүнү карайт.

      Маалымат үчүн: EDCF - бул 1987-жылы өнүгүп келе жаткан өлкөлөрдүн индустриализациясын жана экономикалык өнүгүүсүн колдоо жана Корея Республикасы менен бул өлкөлөрдүн ортосундагы экономикалык кызматташууга көмөктөшүү үчүн түзүлгөн саясий фонд.

        EDCF - өнүгүп келе жаткан өлкөлөрдө жолдорду, темир жолдорду, ооруканаларды, мектептерди жана суу жана канализация тутумдарын куруу аркылуу өнүгүп келе жаткан өлкөлөрдө экономикалык өнүгүүнү жана жакырчылыкты кыскартууну колдогон жардам Фонду болуп эсептелет.