Жолугушуунун максаты — Франциянын Кыргыз Республикасынын артыкчылыктуу долбоорлорунда, анын ичинде бизнес жана каржылык каражаттар аркылуу катышуу мүмкүнчүлүктөрүн талкуулоо болду.

Тараптар кызматташтыкты мындан ары өнүктүрүүнүн мүмкүнчүлүктөрүн талкуулашты. Инфраструктураны өнүктүрүү өз ара иштешүүнүн артыкчылыктуу багыты катары белгиленди. Франциялык тарап долбоорлорду ишке ашырууга катышууга даяр компанияларды тааныштырып, Франциянын каржылык катышуусун кеңейтүүнүн мүмкүн болгон жолдору тууралуу маалымат берди.

Н.Акжолов кыргыз тараптын ири долбоорлорду француз тараптын катышуусу менен каржылоо мүмкүнчүлүгүн караштырууга даяр экенин жана демилгелерди ишке ашырууда француз тараптын ролун тактоо зарылдыгын белгиледи.

Жолугушуунун жыйынтыгы боюнча тараптар мындан ары пикир алмашууга жана өз ара түшүнүшүү Меморандумун түзүү мүмкүнчүлүгүн караштырууга даяр экендиктерин билдиришти.